Tamén chamado Maschio Angioino, polo nome dos seus primeiros fundadores.O castelo foi construído a finais do século XIII por Carlos I de Anjou, foi case completamente reconstruído por Afonso I de Aragón no século XV, trala destrución sufrida durante as numerosas guerras polo dominio do Reino. Despois das numerosas incorporacións e transformacións que se produciron sobre todo no século XVIII, o edificio volveu recuperar o aspecto que presuntamente tiña no Renacemento mediante unha restauración realizada nas primeiras décadas do século XX.O castelo foi varias veces residencia real, acolleu importantes personalidades, foi moitas veces escenario de disturbios e acontecementos importantes. En 1442 Afonso de Aragón transformouno radicalmente, engadindo un baluarte que albergou a primeira artillería de Italia.De planta trapezoidal, o Castelo Novo está rodeado por un foso, e ten cinco poderosas torres almenadas. No lado oeste, entre a Atalaia e a Torre Media, atópase o famoso Arco do Triunfo, unha magnífica obra construída sobre o modelo dos antigos arcos monumentais romanos, para celebrar a entrada en Nápoles de Afonso I, que tivo lugar en 1443.No seu interior, a Capela Palatina, do século XIV, é a única parte que se remonta á primeira época anxevina -aínda que foi parcialmente transformada tras o terremoto de 1456. Destaca o elegante portal de mármore renacentista, cos relevos da Natividade. a Virxe e os Anxos e rematada por un fermoso rosetón, obra de artistas cataláns -realizado para substituír ao anxevino.
